20140914的婚禮花絮unofficial photos

MUA Rainbow Chan: Big Day篇

以下係我寫給blogger的message，也記錄在blog中供大家參考。

我想大家都從不同blog得知rainbow化妝需要較長的一點，有些新娘覺得可以接受，有些就覺得會影響流程。

很遺憾我想我是屬於後者。

overrun的原因，我想大家都有點責任。撇除我個人原因，我想誤差時間約二十分鐘。

妝容同髮型是我喜歡的style，質素很高，但用接近三個半小時去達致則見仁見智。

我以下message也有一些建議，希望可以幫到其他新娘。

另外，如果喜歡清雅高貴既造型，而不介意一日以萬幾元請一位化妝師（不過其實rainbow都好貴，試妝冇得退返，頭飾頭花首飾又要自己再搵，又唔包助手，加加埋埋都唔少錢呢），我見過朋友用的gracy真的好好。她也是很富經驗那批mua，用兩個小時左右已經做到很靚的效果（不過當然是我朋友本身都靚同皮膚很好），不過我自己不太喜歡她替每個新娘拍video要她們做testimonial然後放上網啦。不過最主要是我那時已經book了mua了。

講開又講，做姊妹時覺得另一位f字頭的化妝師就很一般，年年加價但很多人搵，個妝貼既，但感覺個造型太甜美唔夠高貴囉，態度一般，全日冇咩笑容，同埋感覺有點勢利。

其實諗返我試妝同做姊妹見過不同化妝師，rainbow是很好的，很富經驗，技術好同會照顧新娘（後者看似基本，但諗返有d 都未必係架)。不過，人是貪心的，如果她可以在時間控制方面更好，或者我自己也可以稍為催促下她或講個white lie，讓她有些緊張感，那麼可能會快手點，那當日就不是我這個新娘自己拼命追返時間，結果無咩時間影相囉。

p.s. 如果大家想找rainbow的reference，除了在yahoo blog找外，或可像我之前那樣，到以下這位我很欣賞的攝影師個blog，輸入rainbow的名字，裡面有好幾個entries，大家可以慢慢參考呀！

http://blog.simonthephoto.com/

p.p.s. 我剛剛重看一個blogger的private post，才發現以下幾句，之前都無留意。不好意思沒有問過permission私下copy and paste出來，但相信對其他新娘會有參考價值：

冇耐,6:30am 我化妝師Rainbow 都黎埋, 
話咁快已經 9點幾, 但Rainbow都仲未化完妝,
依家好後悔唔再約Rainbow 早多半個鐘黎化妝, 當日成個流程就係因為朝早遲咗而成個rundown 都遲晒!）

Krissie2013年9月28日上午8:10

救命！打完成message點知post唔到，再來。
我婚禮完成了，但有關mua rainbow的要同你講返。

果日我預左三小時俾佢化第一個妝，但結果佢用了三個半鐘。pre-wedding時都係咁!

明明我話10:00am要化好，10:30am出門去男家架喇，但結果10:25-10:30am新郎先入到來，相差了整個環節的時間。

當然我要講返，頭15-20分鐘大家都setup同埋我都仲戴梗con，要佢等返我，同埋我皮膚差同頭髮少要加假髮多d野整，但要求又高既人。

無論如何，對我來說，果日就係不停要追時間，冇咩影相，shuttle又罰等候費。

寫呢個message給你其實係想給一點建議啦，就係可以考慮講早一點個出門時間。

其實我原本預佢三個半小時（因為pre-wedding經驗），但佢話一般三小時就得，我10:00am要完成，佢就話7:00am來就得。我覺得如果我早講一個white lie，咁即使佢遲左，咁都唔會影響到我的真rundown。（不過你本身皮膚很好同頭髮又夠長同厚，所以應該三個鐘左右ok）

家下諗返當日冇咩影相，用哂d時間化妝，都覺得有點可惜。

但中肯點講，除了時間方面，佢化妝同set頭都好好，好清雅高貴，佢好明白我鍾意咩style，同埋係好識照顧人既。

希望你既婚禮一切順利啊！

Krissie2013年9月28日上午8:43

補充，由於我下午在戶外證婚，晩上都用一個鐘大執個妝同髮型。遲了出去迎賓同開席，不過晚上影響不大，同埋我都理解個妝要大執，所以OK的。

另，我有一個影相位，係姊妹幫我著婚紗。我初時諗住慳時間d，用褂頭(拆頭花)就ok，因為冇咩時間同埋只係想影個mood。但rainbow好似都有幫我稍為轉頭，仲有補妝，咁佢係有心機既，想我靚d，我係appreciate的。但不過佢就真係唔理你overrun咁囉，唉，我都唔知。果然有辣有唔辣。

MUA Rainbow Chan: Pre-wedding篇

話說上次試妝時其實不太喜歡，不過r比另一位化妝師好，加上很多新娘對r的評價也很高，所以還是選擇她做big day化妝。
為了試真一些，所以pre-wedding也找了她。
結果，這次真的漂亮很多，我也相當滿意

(左圖：未化妝；右圖：十二個小時後）

髮型：

• 由於我天生頭髮少，一直都最擔心set頭這一環。開會時跟她說之前的分界令兩邊出現一邊厚一邊薄的情況，於是這次她幫我分z界，不過她說與台式那種z界有些不同，她這種分法沒有那麼明顯，其實我也不知道，因為我看不到頭頂，哈哈，但出來效果ok，看起來兩邊頭髮差不多。

• 她set的頭很好，長曲髮和低髻要用假髮，之後all back和便服即使不用假髮也營造到好像好多頭髮的效果，很amazed。

•  髮型簡單清雅，不用太多扭來扭去，我覺得很好。

妝容：

• R說我一隻眼較圓，一隻眼較長。第一個妝係化得雙眼較圓，轉妝時她幫我化長了雙眼，我較喜歡後者，因為看起來好像成熟一點，我平日個樣太小學雞喇，哈哈。

• 大細眼情況改善了，眼晴距離近回一些。另，鼻高了和鼻翼窄了，面也瘦了點。

• 我皮膚質素超差，好多暗瘡，在唔算厚粉的情況下已遮到99%，好犀利，很佩服。

• 但真的要講句，因為我本身皮膚唔好，所以做唔到其他靚靚bloggers所講的零毛孔完美底妝。近看一定會見到有少少印和遮瑕的，不過我想已經是鬼斧神工了!

• 返到屋企成十點，足足十二小時後的妝容，依然很good! 

• 以我本身皮膚咁差都化到咁靚（只是右面面頰有暗瘡谷梗遮不到），實在神乎其技！

• 我黑眼圈好勁又乾，所以其中一隻眼見到明顯乾紋，有少少不開心。

整體造型：

• r其實讓我頗有驚喜，尤其是vintage look和all back型女look，我想像不到自己可以carry到!

• 整體她在化妝set頭時，我是見到一個靚些的自己，尤其是後來把眼晴化長了在加eye shadow，眼鏡大了有神了。在九龍站換衫時有個嬸嬸不停讚我靚（那刻都覺得自己好靚^___^，Thanks Rainbow!）又話本身要收工回家做冬但覺得我好靚睇埋我化妝所以唔走住，嘩哈哈，返到屋企媽咪都讚靚，我自己也不捨得落妝，嘻嘻。

• 第一個妝用了差不多三個半小時，轉妝加換衫我又去下洗手間我想大概30-45分鐘吧，沒有帶手錶，哈哈。

態度：

• 因為大家夾不到放工後的時間上去開會傾造型，於是r主動提出過來我上班的地方，一邊吃lunch一邊傾，很好人。她有細心做筆記，然後影相當日幫我做回我想要的造型。

• 勁識安慰新娘，例如：我在taobao買了一條豬腸呔給HY，但實物原來好淺色，於是向HY撒嬌啦，然後她聽到就說其實平日見人都是這樣顏色呀，太深色影相唔靚架等等。還有在換衫過程中，HY無啦啦走左去買野又唔講低以為自己好快但唔講低令全世界等他，又聽不到電話，極度令人生氣，但rainbow都好好在側邊安撫我。而整體她安慰人的方法是高明的，因為是有理據的，作為一個理性的人我是好buy，哈哈。

• 做中間人幫我同攝影師表達意見，因為影到後期，我覺得個攝影師有點"手查"流灘，我諗可能因為我後期強調要影多些sweet的相片令他不太高興。攝影師提議影餐廳，側邊剛巧有間殘殘舊舊的印度茶餐廳，他提議入去影相，然後r立刻很醒目咁問我們是喜歡這些懷舊餐廳定soho的酒吧。然後，去到蘭桂坊泊車，我明明說話趁機影下附近酒吧，但唔知做乜佢好似聽不到就想直接去藝穗會，然後r又立刻幫我們出聲話我們好似想在蘭桂坊影幾張喎！很感謝她的幫忙！

• 化妝溫柔，性格爽快，很清楚自己要做什麼或我們應該怎做才會流暢。例如：走之前又幫我們把所有要還的衣服掛好入袋，又把婚紗公司和我們私伙的配件分好入好，很有效率，知道自己應該要怎樣幫我們。

• 其實當我表達意見時，我都有點緊張，因為她太有經驗了，我會怕我的request唔多合理。我的感覺是，r是一個有主見但八面玲瓏的人，走專業路線；她不是一些好green什麼都沒所謂由新娘主導的化妝師。r會聽我意見，問我o不ok呀，會按情況盡量配合（如我想雙眼近些，嘴唇薄些，哈哈），但有些情況她會有其他做法。例如我說有明顯的眼紋，她一開始只是說影相看不到；不過她也記住，在我補妝她幫我加些moisturizer。另，因為她好好的幫我遮了鎖骨的濕疹印，我又打蛇隨棍上問可否也遮遮手，因為在戴戒指的手指旁有紅印；但她婉拒了，因為怕我手指弄髒衣服，手的紅印可以執。她這樣解釋其實又對的，講真幫我遮遮手也很快，但她寧願花時間跟我解釋，可見她真的有考慮過我提出的意見的可行性。所以，我都是ok的。

• 老實講，我覺得r不算那種勁有heart超有passion的人，可能是因為即使影了全天相片也不能記住我的名字，哈哈哈哈次。但講真，好似我返工咁都係打份工，做好就ok，所以我都沒所謂，哈哈。不過因為要寫個review，我想優點缺點都寫。基本上，我覺得r是以專業稱職取勝囉，這個已經很高難度。

• 還有，差點忘記說。r的package其實只去到下午五點，但當時還未影完，所以要計ot，我心裡都驚唔知要ot幾多個鐘。大概七點幾換好最後一個妝，著返便服，在中環影聖誕裝飾。r就在旁看了一會，就問我：「你仲駛唔駛我o係到？」，她主動這樣問我真的舒了一口氣，因為我都不知道還要影多久，而且講真在中環影便服真的不需要化妝師陪伴。然後我說我ok可以搞掂了，多謝她啦，想把尾數交給她，但她說不用，叫我繼續影相，翌日再打給她，令我勁不好意思。我是很多謝她十分清楚自己的role和我的需要。

more about R（傾計時講架，哈哈）：

• 新娘化妝學師出身，入行廿年（完全看不出！），做化妝十五年。由於以前是學師，所以什麼也要做，例如釘珠、弄花球。

• 覺得底妝尤其重要。

這次pre-wedding找了r，好像一次綵排。由於她的化妝技巧和態度都很好，讓我放心了不少。我想我主要要多敷mask，減少乾紋吧。

MUA Rainbow Chan: 試妝篇

Rainbow試妝 :) 

果日我首先去rainbow到，佢真人比電話中nice。我呢期其實皮膚好差，因為period遲了成個月於是谷到成面都超多暗瘡，好樣衰，但亦係咁，令我真係見識到rainbow既功架! 

佢底妝真係化得好細緻，其實我都唔太識化妝，但佢會用手呀用掃呀咁幫我一層一層咁上色，佢係會溝色既，所以全面暗瘡包括凸起的暗瘡都遮到八成。我果時已經好amazed，但偏了心去新晉mua的我就同自己講，都唔係完全遮到丫，而且仲見到粗大毛孔，都唔係blogger講既零毛孔。但其實我心底裡都知，化妝只能改善大部分問題，而r已經幫我呢塊毛孔粗大兼夾爆左好多暗瘡又有微絲血管既面化左個接近完美既底妝。除了底妝，佢都留意到我大細眼既問題（我仲要呢排對眼損左，令到情況更明顯），佢好細心咁幫我痴雙眼皮膠紙，又幫我不停畫呀畫呀盡量修飾。佢做遮瑕呢部分真係好專業好認真!

態度方面，r真人又真係好似bloggers咁講咁好，佢幫我捲髮同痴假眼睫毛時真係好溫柔，同埋佢會好清楚俾我知道咩係正常感覺，例如佢話假眼睫毛一開始會有點唔舒服，但膠水乾左會ok架，到時可以忟返鬆少少。同埋佢又成日會對住我笑，咁我又對返佢笑，雖然我冇乜點講野，因為我話我好眼訓呀，但整個氣氛都係舒服自在的。

同埋我見佢有不時望下我塊面先落筆，同埋佢講d野好中，例如佢問我隻眼係咪試過有眼瘡（其實唔知點解佢咁問，但我的確細個成日有!)，仲有一樣雖然可能好多化妝既人都知但對於唔識化妝既我覺得佢好勁，就係佢幫我搽粉紅色eye shadow。點解咁講？事關我平日其實好少搽eye shadow，因為搽左通常仲樣衰，但唔知點解偏偏粉紅色就比較順眼，儘管明明d人成日話粉紅色會令雙眼好腫唔靚。於是我問rainbow，佢解釋因為我雙眼其實有點窩左入去，所以粉紅色反而適合我，而且適合的eye shadow顏色不多，聽完佢咁講終於解開我多年既謎，亦覺得佢好犀利。

同rainbow講我約左人請佢幫我落妝，佢都好溫柔咁幫我抺走部分既妝容同會問我想點整個頭。